Үйлчилгээний нөхцөл

urilga.date нь хэн нэгнийг болзоонд урих хувийн урилга үүсгэх хэрэгсэл. Танилцах, хүн хайх платформ БИШ. Та хэнийг урихаа аль хэдийн мэдэж байгаа гэж үзнэ.

Энэ үйлчилгээг 16 болон түүнээс дээш насны хүн ашиглана. Насанд хүрэгчдийн шинжтэй агуулга байхгүй бөгөөд оруулахыг хориглоно.

• Хүсээгүй хүнийг дахин дахин урих, дарамтлах
• Заналхийлэх, доромжлох, айлган сүрдүүлэх
• Өөр хүний нэрээр хуурамчаар үйлдэх
• Зөвшөөрөлгүйгээр бусдын хувийн мэдээлэл, зураг тараах
• Спам, олноор илгээх, зар сурталчилгаа
• Хууль зөрчсөн аливаа агуулга

Эдгээрийг зөрчсөн урилгыг урьдчилан мэдэгдэлгүйгээр хаана.

Урилга хүлээн авсан хүн үргэлж татгалзах боломжтой. Татгалзсаныг нь дарамтлах, дахин дахин илгээх боломжийг бид зориудаар хязгаарласан.

Хүлээн авагч урилгыг мэдээлэх боломжтой. Мэдээлсэн гэдгийг илгээсэн хүнд хэлэхгүй.

Урилга үүсгэж илгээх, хариу авах нь үнэгүй. Хүсвэл урилгаа Онцгой болгож болно — энэ нь нэг удаагийн төлбөртэй, автоматаар сунгагддаг захиалга биш.

Төлбөр нь тухайн нэг урилгад хамаарна. Онцгой болгосноор нэмэлт загварууд нээгдэж, доод талын тэмдэг арилж, линкийн хугацаа уртасна. Урилгын үндсэн ажиллагаа (илгээх, хариу авах) төлбөрөөс хамаарахгүй.

Төлбөрийг QPay-ээр банкны аппликейшнаар хийнэ. Төлсний дараа амласан боломж нээгдээгүй бол төлбөрийг бүтнээр нь буцаана. Урилгаа өөрөө цуцалсан тохиолдолд төлбөр буцаагдахгүй.

Урилгын агуулгыг үүсгэсэн хүн бүрэн хариуцна. Бид агуулгыг урьдчилан шалгадаггүй.

Үйлчилгээг «байгаа байдлаар нь» үзүүлнэ. Тасалдал, өгөгдөл алдагдах тохиолдол гарч болно. Чухал зүйлээ өөр газар давхар хадгалахыг зөвлөж байна.

Нөхцөл өөрчлөгдвөл энэ хуудсан дээр шинэчлэгдэнэ. Сүүлд шинэчилсэн: 2026 оны 8 дугаар сар.